ਆਦਰਸ਼ ਸਕੂਲ ਨਵਾਂਗਰਾਂ ਤੇ ਜੰਡਿਆਲਾ ਦੇ ਬੱਚੇ ਵੀ ਹੁਣ ਕਰਨਗੇ ਪੰਜਾਬ ਬੋਰਡ ਦੀ ਪੜ੍ਹਾਈ

ਪੋਜੇਵਾਲ ਸਰਾਂ, 5 ਜੂਨ (ਨਵਾਂਗਰਾਈਾ)- ਨਿੱਜੀ ਭਾਈਵਾਲ ਤਹਿਤ ਪੰਜਾਬ ਸਰਕਾਰ ਵਲੋਂ ਚਲਾਏ ਜਾ ਰਹੇ ਆਦਰਸ਼ ਸਕੂਲਾਂ ਦੇ ਬੱਚੇ ਵੀ ਹੁਣ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀ ਪੜ੍ਹਾਈ ਕਰਨਗੇ | ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ `ਚ ਨਵਾਂਗਰਾਂ ਤੇ ਜੰਡਿਆਲਾ ਵਿਖੇ ਇਸ ਸਕੀਮ ਤਹਿਤ ਦੋ ਸਕੂਲ ਚੱਲ ਰਹੇ ਹਨ | ਇਸ ਸਬੰਧੀ ਪੰਜਾਬ ਸਿੱਖਿਆ ਵਿਕਾਸ ਬੋਰਡ ਵਲੋਂ ਜਾਰੀ ਹਦਾਇਤਾਂ `ਚ ਹਦਾਇਤ ਕੀਤੀ ਗਈ ਹੈ ਕਿ ਸੈਸ਼ਨ 2020-2021 ਤੋਂ ਉਹ ਆਪਣੀ ਐਫੀਲੀਏਸ਼ਨ ਸੀ.ਬੀ.ਐੱਸ.ਈ. ਤੋਂ ਰੱਦ ਕਰਵਾ ਕੇ ਪੰਜਾਬ ਸਕੂਲ ਸਿੱਖਿਆ ਬੋਰਡ ਨਾਲ ਕਰਵਾਉਣ | ਵਰਨਣਯੋਗ ਹੈ ਕਿ ਪਿਛਲੀ ਅਕਾਲੀ ਭਾਜਪਾ ਸਰਕਾਰ ਵਲੋਂ ਪੰਜਾਬ `ਚ ਨਿੱਜੀ ਭਾਈਵਾਲਾਂ ਨਾਲ ਮਿਲ ਕੇ ਆਦਰਸ਼ ਸਕੂਲ ਖੋਲ੍ਹੇ ਗਏ ਸਨ ਤਾਂ ਜੋ ਗਰੀਬ ਲੋਕਾਂ ਦੇ ਵਿਦਿਆਰਥੀ ਜੋ ਕਿ ਪ੍ਰਾਈਵੇਟ ਸਕੂਲਾਂ ਦੀ ਫ਼ੀਸ ਨਹੀਂ ਦੇ ਸਕਦੇ ਉਹ ਵੀ ਸੀ.ਬੀ.ਐੱਸ.ਈ. ਦਾ ਸਿਲੇਬਸ ਪੜ੍ਹ ਸਕਣ | ਪਰ ਹੁਣ ਸਰਕਾਰ ਦੇ ਨਵੇਂ ਫ਼ੈਸਲੇ ਨਾਲ ਇਹ ਨਿੱਜੀ ਭਾਈਵਾਲ ਸਕੀਮ ਵਾਲੇ ਸਕੂਲ ਵੀ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀ ਪੜ੍ਹਾਈ ਕਰਨਗੇ | ਵਿਭਾਗ ਦੇ ਇਸ ਫ਼ੈਸਲੇ ਨਾਲ ਇਕ ਵਾਰ ਮਾਪੇ ਦੁਬਿਧਾ `ਚ ਫਸ ਗਏ ਹਨ ਕਿ ਉਹ ਆਪਣੇ ਬੱਚਿਆਂ ਨੂੰ ਹੁਣ ਇਨ੍ਹਾਂ ਆਦਰਸ਼ ਸਕੂਲਾਂ `ਚ ਰੱਖਣ ਜਾਂ ਕਿਸੇ ਹੋਰ ਪਾਸੇ ਲਿਜਾਉਣ, ਕਿਉਂਕਿ ਜ਼ਿਆਦਾਤਰ ਮਾਪਿਆਂ ਨੇ ਆਪਣੇ ਬੱਚਿਆਂ ਨੂੰ ਇਨ੍ਹਾਂ ਪੀ.ਪੀ.ਪੀ. ਮੋਡ ਦੇ ਆਦਰਸ਼ ਸਕੂਲਾਂ ਵਿਚ ਇਸ ਲਈ ਦਾਖਲ ਕਰਵਾਇਆ ਸੀ ਕਿ ਇਨ੍ਹਾਂ ਆਦਰਸ਼ ਸਕੂਲਾਂ ਵਿਚ ਸੀ.ਬੀ.ਐੱਸ.ਈ. ਦੀ ਪੜ੍ਹਾਈ ਹੁੰਦੀ ਸੀ ਪਰ ਸਰਕਾਰ ਦੇ ਇਸ ਨਵੇਂ ਫ਼ੈਸਲੇ ਨਾਲ ਕਿ ਹੁਣ ਇਨ੍ਹਾਂ ਸਕੂਲਾਂ ਵਿਚ ਪੰਜਾਬ ਬੋਰਡ ਦੀ ਪੜ੍ਹਾਈ ਹੋਵੇਗੀ | ਲੋਕਾਂ ਦੀ ਮੰਗ ਹੈ ਕਿ ਸਰਕਾਰ ਜਾਂ ਤਾਂ ਇਨ੍ਹਾਂ ਸਕੂਲਾਂ ਵਿਚ ਸੀ.ਬੀ.ਐੱਸ.ਈ. ਬੋਰਡ ਦੀ ਪੜ੍ਹਾਈ ਕਰਵਾਏ ਨਹੀਂ ਤਾਂ ਆਪਣਾ ਫ਼ੈਸਲਾ ਬਦਲ ਕੇ ਇਨ੍ਹਾਂ ਸਕੂਲਾਂ ਨੂੰ ਪ੍ਰਾਈਵੇਟ ਕੰਪਨੀਆਂ ਨੂੰ ਦੇਣ ਦੀ ਬਜਾਏ ਆਪ ਚਲਾਵੇ |

Ajit - Punjab Di Awaaz

10 hours ago

ਬਸਪਾ ਆਗੂਆਂ ਵਲੋਂ ਸੰਗਠਨ ਨੂੰ ਮਜ਼ਬੂਤ ਕਰਨ ਲਈ ਮੀਟਿੰਗ ਕਰ ਕੇ ਸੈਕਟਰ ਪ੍ਰਧਾਨ ਦੀ ਚੋਣ

ਮਜਾਰੀ/ਸਾਹਿਬਾ, 5 ਜੂਨ (ਨਿਰਮਲਜੀਤ ਸਿੰਘ ਚਾਹਲ)- ਬਹੁਜਨ ਸਮਾਜ ਪਾਰਟੀ ਵਲੋਂ ਸੰਗਠਨ ਨੂੰ ਮਜ਼ਬੂਤ ਕਰਨ ਲਈ ਕਸਬਾ ਮਜਾਰੀ ਵਿਖੇ ਜਸਵਿੰਦਰਜੀਤ ਮਾਨ ਦੀ ਅਗਵਾਈ ਹੇਠ ਮੀਟਿੰਗ ਕੀਤੀ ਗਈ | ਜਿਸ ਵਿਚ ਪਾਰਟੀ ਦੇ ਸੂਬਾ ਸਕੱਤਰ ਬਲਜੀਤ ਸਿੰਘ ਭਾਰਾਪੁਰ ਅਤੇ ਲੋਕ ਸਭਾ ਹਲਕਾ ਇੰਚਾਰਜ ਹਰਬੰਸ ਲਾਲ ਚਣਕੋਆ ਨੇ ਵਿਸ਼ੇਸ਼ ਤੌਰ `ਤੇ ਹਿੱਸਾ ਲਿਆ | ਇਸ ਮੌਕੇ ਸੈਕਟਰ ਮਜਾਰੀ ਅਧੀਨ ਆਉਂਦੇ ਪਿੰਡਾਂ ਮਹਿੰਦਪੁਰ, ਜੈਨਪੁਰ, ਰੁੜਕੀ ਮੁਗ਼ਲਾਂ, ਸਜਾਵਲਪੁਰ ਤੇ ਰੱਕੜਾਂ ਢਾਹਾਂ ਦੇ ਵਰਕਰਾਂ ਨੇ ਹਿੱਸਾ ਲਿਆ | ਇਸ ਮੌਕੇ ਬਲਜੀਤ ਸਿੰਘ ਭਾਰਾਪੁਰ ਨੇ ਪਾਰਟੀ ਆਗੂਆਂ ਤੇ ਵਰਕਰਾਂ ਨੂੰ 2022 ਦੀਆਂ ਆ ਰਹੀਆਂ ਵਿਧਾਨ ਸਭਾ ਚੋਣਾਂ ਲਈ ਹੁਣ ਤੋਂ ਤਿਆਰੀ ਕਰਨ ਲਈ ਕਿਹਾ | ਇਸ ਮੌਕੇ ਸੰਦੀਪ ਰੱਤੂ ਰੱਕੜਾਂ ਢਾਹਾਂ ਨੂੰ ਸੈਕਟਰ ਪ੍ਰਧਾਨ, ਜੈਪਾਲ ਸੈਂਪਲਾਂ ਜਨਰਲ ਸਕੱਤਰ, ਧਰਮਪਾਲ ਕੈਸ਼ੀਅਰ ਤੋਂ ਇਲਾਵਾ ਅੱਠ ਮੈਂਬਰਾਂ ਦੀ ਚੋਣ ਕੀਤੀ ਗਈ | ਇਸ ਮੌਕੇ ਗਿਆਨ ਚੰਦ, ਭੁਪਿੰਦਰ ਬੇਗਮਪੁਰੀ ਤੇ ਸੋਮਨਾਥ ਆਦਿ ਹਾਜ਼ਰ ਸਨ |

Ajit - Punjab Di Awaaz

10 hours ago

ਮੈਡੀਕਲ ਪੈ੍ਰਕਟੀਸ਼ਨਰ ਐਸੋਸ਼ੀਏਸ਼ਨ ਦੀ 25ਵੀਂ ਵਰ੍ਹੇਗੰਢ ਮੌਕੇ ਸਮਾਗਮ

ਬੰਗਾ, 5 ਜੂਨ (ਜਸਬੀਰ ਸਿੰਘ ਨੂਰਪੁਰ) - ਮੈਡੀਕਲ ਪ੍ਰੈਕਟੀਸ਼ਨਰ ਐਸੋਸੀਏਸ਼ਨ ਪੰਜਾਬ ਬਲਾਕ ਬੰਗਾ ਦੀ ਇਕਾਈ ਨੇ ਐਸੋਸੀਏਸ਼ਨ ਦੀ 25 ਵੀਂ ਵਰੇ੍ਹਗੰਢ ਐਸੋਸ਼ੀਏਸ਼ਨ ਦਾ ਝੰਡਾ ਲਹਿਰਾ ਕੇ ਮਨਾਈ | ਝੰਡਾ ਲਹਿਰਾਉਣ ਦੀ ਰਸਮ ਸੂਬਾ ਪ੍ਰਧਾਨ ਰਮੇਸ਼ ਕੁਮਾਰ ਬਾਲੀ ਅਤੇ ਬਲਾਕ ਪ੍ਰਧਾਨ ਅੰਮਿ੍ਤ ਲਾਲ ਰਾਣਾ ਵਲੋਂ ਨਿਭਾਈ ਗਈ | ਰਮੇਸ਼ ਕੁਮਾਰ ਬਾਲੀ ਨੇ ਦੱਸਿਆ ਕਿ ਮੈਡੀਕਲ ਪ੍ਰੈਕਟੀਸ਼ਨਰ ਐਸੋਸ਼ੀਏਸ਼ਨ ਦਾ 25 ਸਾਲ ਦਾ ਲੰਬਾ ਸਮਾਂ ਸੰਘਰਸ਼ ਭਰਿਆ ਰਿਹਾ ਹੈ | ਇਸ ਸਮੇਂ ਦੌਰਾਨ ਪੁਲਿਸ ਪ੍ਰਸ਼ਾਸਨ, ਸਿਹਤ ਪ੍ਰਸ਼ਾਸਨ ਤੇ ਸਰਕਾਰਾਂ ਦੀਆਂ ਧੱਕੇ ਸ਼ਾਹੀਆਂ ਵਿਰੁੱਧ ਅਵਾਜ਼ ਬੁਲੰਦ ਕੀਤੀ ਤੇ ਬਹੁਤ ਸਾਰੀਆਂ ਘੋਲਾਂ `ਚ ਜਿੱਤਾਂ ਪ੍ਰਾਪਤ ਕੀਤੀਆਂ | ਇਸ ਦੌਰਾਨ ਬਲਾਕ ਪ੍ਰਧਾਨ ਅੰਮਿ੍ਤ ਲਾਲ ਰਾਣਾ, ਚੇਅਰਮੈਨ ਲੇਖ ਰਾਜ, ਸਕੱਤਰ ਗੁਰਮੇਲ ਮਾਜਰੀ, ਖਜਾਨਚੀ ਸੀਤਾ ਰਾਮ ਗੋਸਲ ਆਦਿ ਨੇ ਸੰਬੋਧਨ ਕਰਦਿਆਂ ਕਿਹਾ ਹੈ ਕਿ ਕੈਪਟਨ ਸਰਕਾਰ ਮੈਡੀਕਲ ਪ੍ਰੈਕਟੀਸ਼ਨਰਾਂ ਦੁਆਰਾ ਕੀਤੇ ਗਏ ਵੱਖ-ਵੱਖ ਕੰਮਾਂ ਤੇ ਕੋਰੋਨਾ ਮਹਾਂਮਾਰੀ ਦੌਰਾਨ ਪੰਜਾਬ ਵਾਸੀਆਂ ਲਈ ਕੀਤੇ ਗਏ ਹੌਸਲਾਂ ਵਧਾਊ ਕੰਮਾਂ ਨੂੰ ਦੇਖਦੇ ਹੋਏ ਉਨ੍ਹਾਂ ਦੇ ਪੈਂਡਿੰਗ ਪਏ ਮਸਲਿਆਂ ਨੂੰ ਤੁਰੰਤ ਹੱਲ ਕਰੇ | ਮੀਟਿੰਗ `ਚ ਗੁਰਮੇਲ ਮਜਾਰੀ, ਬਗੇਲ ਸਿੰਘ, ਜਸਵੀਰ ਸਿੰਘ ਘੁੰਮਣਾਂ, ਕੁਲਦੀਪ ਕਟਾਰੀਆ, ਸ਼ਿੰਦਰਪਾਲ ਹੀਰਾ, ਕੁਲਵਿੰਦਰ ਸੋਤਰਾਂ, ਧਰਮਪਾਲ ਬੰਗਾ, ਹਰਜਿੰਦਰ ਹੀਰਾ, ਅਮਨਦੀਪ ਸਿੰਘ ਭੂਤਾ, ਜਗਦੀਪ ਝਿੱਕਾ ਆਦਿ ਹਾਜ਼ਰ ਸਨ |

Ajit - Punjab Di Awaaz

10 hours ago

ਜਲ ਸਪਲਾਈ ਮੁਲਾਜ਼ਮਾਂ ਨੇ ਡੀ.ਐੱਸ.ਪੀ. ਬਲਾਚੌਰ ਨੂੰ ਦਿੱਤਾ ਮੰਗ ਪੱਤਰ

ਬਲਾਚੌਰ, 5 ਜੂਨ (ਸ਼ਾਮ ਸੁੰਦਰ ਮੀਲੂ)- ਬੀਤੇ ਦਿਨੀਂ ਇਕ ਪਿੰਡ `ਚ ਕੁਝ ਨੌਜਵਾਨਾਂ ਵਲੋਂ ਜਲ ਸਪਲਾਈ ਸਕੀਮ ਦੇ ਇਕ ਕਾਮੇ ਨਾਲ ਬੇਹੂਦਾ ਵਰਤਾਓ ਕਰਨ ਕਰਕੇ ਟਿਊਬਵੈੱਲ ਅਪਰੇਟਰਾਂ ਵਲੋਂ ਇਨਸਾਫ਼ ਲਈ ਡੀ.ਐੱਸ.ਪੀ. ਬਲਾਚੌਰ ਨੂੰ ਮੰਗ ਪੱਤਰ ਦਿੱਤਾ ਗਿਆ | ਗੱਲ ਕਰਦਿਆਂ ਵੱਡੀ ਗਿਣਤੀ ਵਿਚ ਪੁੱਜੇ ਟਿਊਬਵੈੱਲ ਅਪਰੇਟਰਾਂ ਨੇ ਦੱਸਿਆ ਕਿ ਬੀਤੇ ਦਿਨੀਂ ਪਿੰਡ ਜੀਤਪੁਰ (ਭੱਦੀ) ਵਿਖੇ ਸੇਵਾ ਨਿਭਾਅ ਰਹੇ ਜਲ ਸਪਲਾਈ ਕਾਮੇ ਬਲਵੀਰ ਚੰਦ ਨਾਲ ਪਿੰਡ ਦੇ ਹੀ ਕੁਝ ਨੌਜਵਾਨਾਂ ਵਲੋਂ ਬੁਰਾ ਵਰਤਾਓ ਕਰਦਿਆਂ ਵਾਟਰ ਵਰਕਸ ਨੂੰ ਜਿੰਦਰਾ ਮਾਰ ਦੂਸਰੇ ਪਿੰਡ ਨੂੰ ਪੀਣ ਵਾਲਾ ਪਾਣੀ ਦੇਣ ਤੋਂ ਰੋਕਿਆ ਗਿਆ | ਜਿਸ ਦੇ ਸਬੰਧ `ਚ ਐੱਸ.ਡੀ.ਓ. ਜਲ ਸਪਲਾਈ ਵਿਭਾਗ ਵਲੋਂ ਲਿਖਤੀ ਸ਼ਿਕਾਇਤ ਥਾਣਾ ਬਲਾਚੌਰ ਵਿਖੇ ਦਿੱਤੀ ਗਈ | ਜਾਂਚ ਅਧਿਕਾਰੀ ਏ.ਐੱਸ.ਆਈ. ਗੁਰਦੇਵ ਸਿੰਘ ਨੇ ਪਹਿਲਾਂ ਤਾਂ ਦੋਨਾਂ ਧਿਰਾਂ ਨੂੰ ਬੁਲਾਇਆ ਪਰ ਵਿਭਾਗੀ ਅਫਸਰ ਤੇ ਮੁਲਾਜ਼ਮ ਤਾਂ ਹਾਜ਼ਰ ਹੋ ਗਏ ਪਰ ਪਿੰਡ ਵਾਸੀ ਨਹੀਂ ਆਏ | ਵਾਰ-ਵਾਰ ਬੁਲਾਉਣ `ਤੇ ਪਿੰਡ ਵਾਲਿਆਂ ਦਾ ਨਾ ਆਉਣਾ ਤੇ ਪੁਲਿਸ ਵਿਭਾਗ ਵਲੋਂ ਕੋਈ ਕਾਰਵਾਈ ਨਾ ਕਰਨਾ ਗੱਲ ਸਮਝ ਤੋਂ ਬਾਹਰ ਹੈ | ਮੁਲਾਜ਼ਮਾਂ ਨੇ ਆਖਿਆ ਕਿ ਜੇਕਰ ਸਾਨੂੰ ਇਨਸਾਫ਼ ਨਾ ਮਿਲਿਆ ਤਾਂ ਮਜਬੂਰਨ ਸੰਘਰਸ਼ ਦੇ ਰਾਹ ਤੁਰਨਾ ਪਵੇਗਾ | ਦਫ਼ਤਰ `ਚ ਡੀ.ਐੱਸ.ਪੀ. ਦੇ ਨਾ ਮਿਲਣ `ਤੇ ਯੂਨੀਅਨ ਨੇ ਡੀ.ਐੱਸ.ਪੀ. ਬਲਾਚੌਰ ਦੇ ਰੀਡਰ ਨੂੰ ਮੰਗ ਪੱਤਰ ਸੌਾਪਿਆ | ਇਸ ਮੌਕੇ ਵੱਡੀ ਗਿਣਤੀ `ਚ ਜਲ ਸਪਲਾਈ ਵਿਭਾਗ ਦੇ ਕਾਮੇ ਹਾਜ਼ਰ ਸਨ |

Ajit - Punjab Di Awaaz

10 hours ago

ਪੁਲਿਸ ਦੀ ਗੈਰ ਜ਼ਿੰਮੇਵਾਰੀ ਤੇ ਧੱਕੇਸ਼ਾਹੀ ਵਿਰੱੁਧ ਲੱਗੇਗਾ ਪੱਕਾ ਮੋਰਚਾ-ਲੋਕ ਸੰਘਰਸ਼ ਕਮੇਟੀ

ਰੈਲਮਾਜਰਾ, 5 ਜੂਨ (ਰਾਕੇਸ਼ ਰੋਮੀ)- ਅੱਜ ਲੋਕ ਸੰਘਰਸ਼ ਕਮੇਟੀ (ਕੰਢੀ ਸੰਘਰਸ਼ ਕਮੇਟੀ, ਸੀਟੂ, ਖੇਤ ਮਜ਼ਦੂਰ ਯੂਨੀਅਨ ਇਸਤਰੀ ਸਭਾ ਅਤੇ ਕਿਸਾਨ ਸਭਾ ਦਾ ਸਾਂਝਾ ਮੰਚ) ਵਲੋਂ ਪਿੰਡ ਟੌਾਸਾ ਵਿਖੇ ਪੁਲਿਸ ਜ਼ਿਆਦਤੀਆਂ ਵਿਰੱੁਧ ਅਤੇ ਹੋਰ ਲੋਕ ਮੰਗਾਂ ਨੂੰ ਲੈ ਕੇ ਕਨਵੈੱਨਸ਼ਨ ਕੀਤੀ ਗਈ | ਜਿਸ ਵਿਚ ਵੱਡੀ ਗਿਣਤੀ ਵਿਚ ਆਗੂਆਂ ਨੇ ਹਿੱਸਾ ਲਿਆ | ਕਨਵੈੱਨਸ਼ਨ ਦੀ ਪ੍ਰਧਾਨਗੀ ਬਲਵੀਰ ਸਿੰਘ ਸਰਪੰਚ ਅਤੇ ਬੀਬੀ ਸ਼ਸ਼ੀ ਰਾਣਾ ਸਾਬਕਾ ਸਰਪੰਚ ਪਿੰਡ ਟੌਾਸਾ ਨੇ ਕੀਤੀ | ਕਨਵੈੱਨਸ਼ਨ ਨੂੰ ਸੰਬੋਧਨ ਕਰਦੇ ਹੋਏ ਮਹਾਂ ਸਿੰਘ ਰੌੜੀ ਸੂਬਾਈ ਪ੍ਰਧਾਨ ਸੀਟੂ, ਕਰਨ ਸਿੰਘ ਰਾਣਾ ਜਰਨਲ ਸਕੱਤਰ ਕੰਢੀ ਸੰਘਰਸ਼ ਕਮੇਟੀ ਪੰਜਾਬ ਨੇ ਕਿਹਾ ਕਿ ਪੂੰਜੀਵਾਦੀ ਰਾਜ ਸੱਤਾ, ਪੁਲਿਸ ਤੇ ਅਨੈਤਿਕ ਕੰਮ ਕਰਨ ਵਾਲੇ ਅਪਰਾਧੀਆਂ ਦੇ ਗੱਠਜੋੜ ਨੂੰ ਲੋਕ ਸੰਘਰਸ਼ ਰਾਹੀਂ ਤੋੜਿਆ ਜਾਵੇਗਾ | ਇਸ ਜੁੰਡਲੀ ਵਿਰੁੱਧ ਲਗਾਤਾਰ ਦਿਨ-ਰਾਤ ਦਾ ਪੱਕਾ ਮੋਰਚਾ ਸ਼ੁਰੂ ਕੀਤਾ ਜਾਵੇਗਾ | ਮੋਰਚੇ ਤੋਂ ਪਹਿਲਾਂ ਕਾਠਗੜ੍ਹ ਥਾਣੇ ਅੱਗੇ ਅਤੇ ਹੋਰ ਉੱਚ ਅਧਿਕਾਰੀਆਂ ਦੇ ਦਫ਼ਤਰ ਅੱਗੇ ਧਰਨਾ ਦਿੱਤਾ ਜਾਵੇਗਾ ਤਾਂ ਕਿ ਦਲਿਤਾਂ, ਮਜ਼ਦੂਰਾਂ ਅਤੇ ਆਮ ਲੋਕਾਂ ਨੂੰ ਇਨਸਾਫ਼ ਮਿਲ ਸਕੇ | ਕਨਵੈੱਨਸ਼ਨ ਨੂੰ ਅੱੱਛਰ ਸਿੰਘ ਟੋਰੋਵਾਲ, ਕਰਨੈਲ ਸਿੰਘ ਭੱਲਾ, ਸੁਖਜਿੰਦਰ ਸਿੰਘ, ਮੋਹਣ ਸਿੰਘ ਟੌਾਸਾ, ਚਰਨ ਸਿੰਘ ਭੇਡੀਆ, ਸਤਪਾਲ ਬਨਾਂ, ਜਸਵਿੰਦਰ ਸਿੰਘ ਪ੍ਰਧਾਨ ਹੈਲਥ ਕੈਂਪਸ, ਸਵਰਨ ਸਿੰਘ ਨੰਗਲ, ਕਮਲ ਸਿੰਘ ਸਰਪੰਚ ਨੰਗਲ ਅਤੇ ਕੁਲਵਿੰਦਰ ਸਿੰਘ ਸਰਪੰਚ ਪਰਾਗਪੁਰ ਮੰਡ ਆਦਿ ਨੇ ਵੀ ਸੰਬੋਧਨ ਕੀਤਾ |

Ajit - Punjab Di Awaaz

10 hours ago

ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦੇ ਪ੍ਰਕਾਸ਼ ਪੁਰਬ ਸਬੰਧੀ ਸ੍ਰੀ ਅਖੰਡ ਪਾਠ ਸਾਹਿਬ ਆਰੰਭ

ਟਾਂਡਾ ਉੜਮੁੜ, 5 ਜੂਨ (ਭਗਵਾਨ ਸਿੰਘ ਸੈਣੀ)-ਮੀਰੀ-ਪੀਰੀ ਦੇ ਮਾਲਕ ਧੰਨ-ਧੰਨ ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦਾ ਪ੍ਰਕਾਸ਼ ਪੁਰਬ ਗੁਰਦੁਆਰਾ ਟਾਹਲੀ ਸਾਹਿਬ ਮੂਨਕਾਂ ਨਜ਼ਦੀਕ ਟਾਂਡਾ ਉੜਮੁੜ (ਹੁਸ਼ਿਆਰਪੁਰ) ਵਿਖੇ ਗੁਰਦੁਆਰਾ ਸਾਹਿਬ ਦੇ ਮੁੱਖ ਪ੍ਰਬੰਧਕ ਜਿੰਦਾ ਸ਼ਹੀਦ ਸਿੰਘ ਸਾਹਿਬ ਬਾਬਾ ਨਿਹਾਲ ਸਿੰਘ ਦੀ ਅਗਵਾਈ ਹੇਠ ਬਗੈਰ ਸੰਗਤਾਂ ਦੇ ਵੱਡੇ ਇਕੱਠ ਕੀਤੇ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਮਨਾਇਆ ਜਾ ਰਿਹਾ ਹੈ | ਇਸ ਸਬੰਧੀ ਗੁਰੂ ਘਰ ਕੇ ਸੇਵਕ ਭਾਈ ਹਰਪ੍ਰੀਤ ਸਿੰਘ ਨੇ ਦੱਸਿਆ ਕਿ ਸ੍ਰੀ ਗੁਰੂ ਹਰਿਗੋਬਿੰਦ ਸਾਹਿਬ ਜੀ ਦੇ ਪ੍ਰਕਾਸ਼ ਪੁਰਬ ਸਬੰਧੀ ਕਰਵਾਏ ਜਾ ਰਹੇ ਸਲਾਨਾ ਗੁਰਮਤਿ ਸਮਾਗਮ ਮੌਕੇ ਗੁਰਦੁਆਰਾ ਸਾਹਿਬ ਵਿਖੇ 5 ਜੂਨ ਨੂੰ ਸ੍ਰੀ ਅਖੰਡ ਪਾਠ ਸਾਹਿਬ ਆਰੰਭ ਕਰਵਾਏ ਗਏ ਹਨ, ਜਿਨ੍ਹਾਂ ਦੇ ਭੋਗ 7 ਜੂਨ ਨੂੰ ਪਾਏ ਜਾਣਗੇ ਉਪਰੰਤ ਕੀਰਤਨ ਦੀਵਾਨ ਸਜਾਏ ਜਾਣਗੇ, ਜਿਸ ਵਿਚ ਭਾਈ ਹਰਭਜਨ ਸੋਤਲੇ ਵਾਲੇ ਕੀਰਤਨ ਕਰਨਗੇ | ਇਸ ਮੌਕੇ ਸੰਤ ਬਾਬਾ ਨਿਹਾਲ ਸਿੰਘ ਕਥਾ ਕੀਰਤਨ ਤੇ ਗੁਰਮਤਿ ਵਿਚਾਰਾਂ ਰਾਹੀਂ ਸੰਗਤਾਂ ਨੂੰ ਸੰਬੋਧਨ ਕਰਨਗੇ | ਇਸ ਮੌਕੇ ਉਨ੍ਹਾਂ ਨਾਲ ਸੇਵਾਦਾਰ ਬਾਬਾ ਕੁਲਦੀਪ ਸਿੰਘ ਵੀ ਹਾਜ਼ਰ ਸਨ |

Ajit - Punjab Di Awaaz

10 hours ago

ਜਲੰਧਰ : ਸ਼ਨੀਵਾਰ 23 ਜੇਠ ਸੰਮਤ 552 ਵਿਚਾਰ ਪ੍ਰਵਾਹ: ਮਨੁੱਖ ਦੇ ਮਰਨ \`ਤੇ ਮੈਨੂੰ ਐਨਾ ਦੁੱਖ ਨਹੀਂ ਹੁੰਦਾ ਜਿੰਨਾ ਮਨੁੱਖਤਾ ਦੀ ਮੌਤ \`ਤੇ। -ਮੈਕਸਿਮ ਗੋਰਕੀ ਹੁਸ਼ਿਆਰਪੁਰ ਅੱਗ ਲੱਗ

ਹੁਸ਼ਿਆਰਪੁਰ, 5 ਜੂਨ (ਬਲਜਿੰਦਰਪਾਲ ਸਿੰਘ/ਹਰਪ੍ਰੀਤ ਕੌਰ)-ਪੰਜਾਬ ਦੇ ਉਦਯੋਗ ਤੇ ਵਣਜ ਮੰਤਰੀ ਸੁੰਦਰ ਸ਼ਾਮ ਅਰੋੜਾ ਨੇ ਕਿਹਾ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਦੂਰ ਅੰਦੇਸ਼ੀ ਸੋਚ ਸਦਕਾ ਪੰਜਾਬ ਸਰਕਾਰ ਵੱਲੋਂ ਸ਼ੁਰੂ ਕੀਤੇ ਗਏ `ਮਿਸ਼ਨ ਫਤਹਿ` ਤਹਿਤ ਜ਼ਿੰਦਗੀ ਮੁੜ ਪਟੜੀ `ਤੇ ਲਿਆਂਦੀ ਜਾ ਰਹੀ ਹੈ | ਉਹ ਅੱਜ ਜ਼ਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਵਿਖੇ ਅਧਿਕਾਰੀਆਂ ਕੋਲੋਂ ਕੋਵਿਡ ਰਾਹਤ ਕਾਰਜਾਂ ਸਮੇਤ ਵੱਖ-ਵੱਖ ਕਾਰਜਾਂ ਦਾ ਜਾਇਜ਼ਾ ਲੈ ਰਹੇ ਸਨ | ਇਸ ਮੌਕੇ ਡਿਪਟੀ ਕਮਿਸ਼ਨਰ ਅਪਨੀਤ ਰਿਆਤ ਵੀ ਮੌਜੂਦ ਸਨ | ਕੈਬਨਿਟ ਮੰਤਰੀ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਨੂੰ ਠੱਲ੍ਹ ਪਾਉਣ ਲਈ ਪੰਜਾਬ ਸਰਕਾਰ ਵਲੋਂ ਜਾਗਰੂਕਤਾ ਫੈਲਾਈ ਜਾ ਰਹੀ ਹੈ ਤੇ ਘਰ-ਘਰ ਜਾਣਕਾਰੀ ਮੁਹੱਈਆ ਕਰਵਾਉਣ ਲਈ ਹੀ `ਮਿਸ਼ਨ ਫਤਹਿ` ਦੀ ਸ਼ੁਰੂਆਤ ਕੀਤੀ ਗਈ ਹੈ | ਅਰੋੜਾ ਨੇ ਸਿਹਤ ਵਿਭਾਗ ਨੂੰ ਹਦਾਇਤ ਕਰਦਿਆਂ ਕਿਹਾ ਕਿ ਕੋਵਿਡ ਦੇ ਨਾਲ-ਨਾਲ ਡੇਂਗੂ ਦੀ ਰੋਕਥਾਮ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਜਾਣ | ਡਿਪਟੀ ਕਮਿਸ਼ਨਰ ਅਪਨੀਤ ਰਿਆਤ ਨੇ `ਮਿਸ਼ਨ ਫਤਹਿ` ਤਹਿਤ ਕੀਤੀਆਂ ਜਾ ਰਹੀਆਂ ਗਤੀਵਿਧੀਆਂ ਬਾਰੇ ਜਾਣਕਾਰੀ ਦਿੱਤੀ | ਉਨ੍ਹਾਂ ਦੱਸਿਆ ਕਿ ਜ਼ਿਲ੍ਹੇ ਵਿਚ ਮਾਸਕ ਨਾ ਪਹਿਨਣ ਵਾਲਿਆਂ ਦੇ ਕਰੀਬ 4285 ਚਲਾਨ ਕੀਤੇ ਗਏ ਹਨ ਅਤੇ ਕਰੀਬ 13,67,000 ਰੁਪਏ ਦਾ ਜੁਰਮਾਨਾ ਕੀਤਾ ਗਿਆ ਹੈ | ਇਸ ਮੌਕੇ ਵਧੀਕ ਡਿਪਟੀ ਕਮਿਸ਼ਨਰ (ਜ) ਅਮਿਤ ਕੁਮਾਰ ਪੰਚਾਲ, ਵਧੀਕ ਡਿਪਟੀ ਕਮਿਸ਼ਨਰ (ਵਿਕਾਸ) ਹਰਬੀਰ ਸਿੰਘ, ਐਸ.ਡੀ.ਐਮ. ਅਮਿਤ ਮਹਾਜਨ, ਕਮਿਸ਼ਨਰ ਨਗਰ ਨਿਗਮ ਬਲਬੀਰ ਰਾਜ ਸਿੰਘ, ਸਿਵਲ ਸਰਜਨ ਡਾ. ਜਸਵੀਰ ਸਿੰਘ ਤੋਂ ਇਲਾਵਾ ਵੱਖ-ਵੱਖ ਵਿਭਾਗਾਂ ਦੇ ਅਧਿਕਾਰੀ ਹਾਜ਼ਰ ਸਨ |

Ajit - Punjab Di Awaaz

10 hours ago

ਪੜ੍ਹੋ ਪੰਜਾਬ, ਪੜ੍ਹਾਓ ਪੰਜਾਬ ਮੁਹਿੰਮ `ਚ ਵਧੀਆ ਕਾਰਗੁਜ਼ਾਰੀ ਕਰਨ ਵਾਲੇ ਅਧਿਆਪਕ ਰਾਜ ਕੁਮਾਰ ਜੰਡੀ ਦਾ ਸਨਮਾਨ

ਔੜ, 5 ਜੂਨ (ਜਰਨੈਲ ਸਿੰਘ ਖੁਰਦ)- ਬਲਾਕ ਔੜ ਅਧੀਨ ਪੈਂਦੇ ਸਰਕਾਰੀ ਐਲੀਮੈਂਟਰੀ ਸਮਾਰਟ ਸਕੂਲ ਗੜ੍ਹੀ ਭਾਰਟੀ ਵਿਖੇ ਵਧੀਆ ਕਾਰਗੁਜ਼ਾਰੀ ਕਰਨ ਵਾਲੇ ਸਕੂਲ ਇੰਚਾਰਜ ਰਾਜ ਕੁਮਾਰ ਜੰਡੀ ਨੂੰ ਜ਼ਿਲ੍ਹਾ ਸਿੱਖਿਆ ਅਫਸਰ (ਪ੍ਰਾ) ਪਵਨ ਕੁਮਾਰ ਵਲੋਂ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਉਪ ਜ਼ਿਲ੍ਹਾ ਸਿੱਖਿਆ ਅਫਸਰ ਛੋਟੂ ਰਾਮ ਨੇ ਆਖਿਆ ਕਿ ਰਾਜ ਕੁਮਾਰ ਜੰਡੀ ਵਲੋਂ ਸਖ਼ਤ ਮਿਹਨਤ ਨਾਲ ਪੂਰੇ ਪੰਜਾਬ `ਚੋਂ ਪਹਿਲੇ 10 ਨੰਬਰਾਂ `ਚ ਤੇ ਨਵਾਂਸ਼ਹਿਰ `ਚ ਪਹਿਲੇ ਨੰਬਰ `ਤੇ ਰਹਿਣ ਨਾਲ ਸਮੁੱਚੇ ਜ਼ਿਲੇ੍ਹ ਦਾ ਮਾਣ ਵਧਾਇਆ ਹੈ | ਇਸ ਮੌਕੇ ਬੀ.ਪੀ.ਈ.ਓ. ਔੜ ਸੁਨੀਤਾ ਰਾਣੀ ਤੇ ਮਲਟੀ ਮੀਡੀਆ ਇੰਚਾਰਜ ਗੁਰਦਿਆਲ ਮਾਨ ਨੇ ਆਖਿਆ ਕਿ ਅਧਿਆਪਕ ਰਾਜ ਕੁਮਾਰ ਨੇ ਸਕੂਲ ਦੇ 11 ਬੱਚਿਆ ਤੋਂ ਨਵਾਂ ਦਾਖਲਾ ਵਧਾ ਕੇ 66 ਤੱਕ ਗਿਣਤੀ ਕਰ ਦਿੱਤੀ ਹੈ ਇਸ ਸਕੂਲ `ਚ ਹੋ ਰਹੀ ਵਧੀਆ ਪੜ੍ਹਾਈ ਨੂੰ ਵੇਖ ਕੇ ਮਾਪੇ ਅਜੇ ਵੀ ਆਪਣੇ ਬੱਚਿਆਂ ਨੰੂ ਸਰਕਾਰੀ ਸਕੂਲ `ਚ ਦਾਖਲ ਕਰਵਾ ਰਹੇ ਹਨ | ਪਿੰਡ ਦੀ ਪੰਚਾਇਤ, ਸ਼ੇਰੇ-ਏ-ਪੰਜਾਬ ਸਪੋਰਟਸ ਐਾਡ ਵੈੱਲਫੇਅਰ ਕਲੱਬ ਅਤੇ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀ ਵਲੋਂ ਦਿੱਤੀ ਪ੍ਰੇਰਨਾ ਸਦਕਾ ਹੁਣ ਇਹ ਸ.ਪ੍ਰਾ. ਸਮਾਰਟ ਸਕੂਲ ਗੜੀ ਭਾਰਟੀ ਪੂਰੇ ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ `ਚ ਨਮੂਨੇ ਦੇ ਮਾਡਲ ਸਕੂਲ ਵਜੋਂ ਪੇਸ਼ ਹੋ ਰਿਹਾ ਹੈ | ਇਸ ਮੌਕੇ ਸਰਪੰਚ ਮਹਿੰਦਰ ਸਿੰਘ, ਪਵਨ ਕੁਮਾਰ ਪੰਚ, ਰਮਨ ਭੌਰੀਆ, ਗੁਰਪ੍ਰੀਤ ਸਿੰਘ ਸੰਧੂ, ਸ਼ਨੀ ਸਿੱਧੂ, ਮਨਵੀਰ ਬਾਲੀ ਆਦਿ ਵੀ ਹਾਜ਼ਰ ਸਨ |

Ajit - Punjab Di Awaaz

10 hours ago

ਅੱਗ ਲੱਗਣ ਨਾਲ ਪ੍ਰਵਾਸੀ ਮਜ਼ਦੂਰਾਂ ਦੀਆਂ 45 ਝੁੱਗੀਆਂ ਸੜ ਕੇ ਸੁਆਹ

ਹੁਸ਼ਿਆਰਪੁਰ, 5 ਜੂਨ (ਬਲਜਿੰਦਰਪਾਲ ਸਿੰਘ/ਹਰਪ੍ਰੀਤ ਕੌਰ)-ਹੁਸ਼ਿਆਰਪੁਰ-ਚੰਡੀਗੜ੍ਹ ਰੋਡ `ਤੇ ਸਥਿਤ ਅੱਡਾ ਚੱਬੇਵਾਲ `ਚ ਅਚਾਨਕ ਅੱਗ ਲੱਗਣ ਨਾਲ ਪ੍ਰਵਾਸੀ ਮਜ਼ਦੂਰਾਂ ਦੀਆਂ ਕਰੀਬ 45 ਝੁੱਗੀਆਂ ਸੜ ਕੇ ਸੁਆਹ ਹੋ ਗਈਆਂ | ਇਸ ਦੌਰਾਨ ਜਾਨੀ ਨੁਕਸਾਨ ਤੋਂ ਬਚਾਅ ਹੋ ਗਿਆ, ਜਦਕਿ ਸਾਮਾਨ ਤੇ ਨਕਦੀ ਸੜ ਗਈ | ਅੱਗ `ਤੇ ਕਾਬੂ ਪਾਉਣ ਲਈ ਫਾਇਰ ਬਿ੍ਗੇਡ ਕਰਮਚਾਰੀਆਂ ਨੂੰ ਸਖ਼ਤ ਮਸ਼ੱਕਤ ਕਰਨੀ ਪਈ | ਜਾਣਕਾਰੀ ਅਨੁਸਾਰ ਥਾਣਾ ਚੱਬੇਵਾਲ ਦੇ ਐਸ.ਐਚ.ਓ. ਰਾਜਿੰਦਰ ਸਿੰਘ ਨੇ ਦੱਸਿਆ ਕਿ ਅੱਜ ਦੁਪਹਿਰ ਅੱਡਾ ਚੱਬੇਵਾਲ `ਚ ਸਥਿਤ ਝੁੱਗੀਆਂ ਨੂੰ ਅਚਾਨਕ ਅੱਗ ਲੱਗ ਗਈ | ਦਿਨ ਦਾ ਸਮਾਂ ਹੋਣ ਕਾਰਨ ਇਸ ਦਾ ਪਤਾ ਲੱਗਦਿਆਂ ਹੀ ਲੋਕਾਂ ਨੇ ਤੁਰੰਤ ਰਾਹਤ ਤੇ ਬਚਾਅ ਕਾਰਜ ਸ਼ੁਰੂ ਕਰਦਿਆਂ ਘਟਨਾ ਦੀ ਸੂਚਨਾ ਫਾਇਰਬਿ੍ਗੇਡ ਵਿਭਾਗ ਨੂੰ ਦਿੱਤੀ ਗਈ | ਸੂਚਨਾ ਮਿਲਦਿਆਂ ਹੀ ਫਾਇਰਬਿ੍ਗੇਡ ਦੀਆਂ ਗੱਡੀਆਂ ਨੇ ਮੌਕੇ `ਤੇ ਪਹੁੰਚ ਕੇ ਅੱਗ `ਤੇ ਕਾਬੂ ਪਾਉਣਾ ਸ਼ੁਰੂ ਕਰ ਦਿੱਤਾ | ਉਨ੍ਹਾਂ ਦੱਸਿਆ ਕਿ ਅੱਗ ਦੌਰਾਨ ਕਰੀਬ 45 ਝੁੱਗੀਆਂ ਸੜ ਗਈਆਂ | ਦੱਸਿਆ ਜਾਂਦਾ ਹੈ ਕਿ ਲੋਕਾਂ ਨੇ ਅੱਗ ਲੱਗਣ ਦਾ ਪਤਾ ਲੱਗਦਿਆਂ ਹੀ ਝੁੱਗੀਆਂ ਦਾ ਸਾਮਾਨ ਚੁੱਕ ਕੇ ਬਾਹਰ ਸੁੱਟਣਾ ਸ਼ੁਰੂ ਕਰ ਦਿੱਤਾ, ਜਿਸ ਨਾਲ ਉਨ੍ਹਾਂ ਦੇ ਸਾਮਾਨ ਦਾ ਕੁੱਝ ਹੱਦ ਤੱਕ ਬਚਾਅ ਹੋ ਗਿਆ ਤੇ ਹਵਾ ਦਾ ਰੱਖ ਉਲਟ ਦਿਸ਼ਾ `ਚ ਹੋਣ ਕਾਰਨ ਕਰੀਬ 200 ਝੁੱਗੀਆਂ ਅੱਗ ਦੀ ਲਪੇਟ `ਚ ਆਉਣ ਤੋਂ ਬਚ ਗਈਆਂ | ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਵਿਧਾਇਕ ਡਾ: ਰਾਜ ਕੁਮਾਰ ਨੇ ਮੌਕੇ `ਤੇ ਪਹੁੰਚ ਕੇ ਰਾਹਤ ਤੇ ਬਚਾਅ ਕਾਰਜਾਂ ਦਾ ਜਾਇਜ਼ਾ ਲਿਆ | ਇਸ ਮੌਕੇ ਉਨ੍ਹਾਂ ਪੀੜਤਾਂ ਨੂੰ ਰਾਸ਼ਨ ਤੇ ਤਰਪਾਲਾਂ ਉਪਲੱਬਧ ਕਰਵਾਈਆਂ ਤੇ ਹੋਰ ਜ਼ਰੂਰੀ ਸਾਮਾਨ ਦੇਣ ਦਾ ਭਰੋਸਾ ਦਿਵਾਇਆ | ਇਸ ਮੌਕੇ ਤਹਿਸੀਲਦਾਰ ਹਰਮਿੰਦਰ ਸਿੰਘ, ਡੀ.ਐਸ.ਪੀ. ਸਤੀਸ਼ ਕੁਮਾਰ, ਡਾ: ਜਤਿੰਦਰ ਕੁਮਾਰ ਜ਼ਿਲ੍ਹਾ ਜਨਰਲ ਸਕੱਤਰ ਕਾਂਗਰਸ ਆਦਿ ਸਮੇਤ ਹੋਰਨਾਂ ਅਧਿਕਾਰੀਆਂ ਨੇ ਮੌਕੇ `ਤੇ ਪਹੁੰਚ ਕੇ ਨੁਕਸਾਨ ਦਾ ਜਾਇਜ਼ਾ ਲਿਆ |

Ajit - Punjab Di Awaaz

10 hours ago

ਕੋਰੋਨਾ ਦੌਰਾਨ ਸਰਕਾਰੀ ਹਸਪਤਾਲਾਂ ਦੇ ਡਾਕਟਰਾਂ ਤੇ ਸਟਾਫ਼ ਨੇ ਜਾਨ ਜੋਖ਼ਮ `ਚ ਪਾ ਕੇ ਦਿੱਤੀਆਂ ਸੇਵਾਵਾਂ-ਰਾਣਾ ਗੁਰਜੀਤ ਸਿੰਘ

ਕਪੂਰਥਲਾ, 5 ਜੂਨ (ਅਮਰਜੀਤ ਸਿੰਘ ਸਡਾਨਾ, ਦੀਪਕ ਬਜਾਜ)-ਕੋਰੋਨਾ ਮਹਾਂਮਾਰੀ ਦੌਰਾਨ ਸਰਕਾਰੀ ਹਸਪਤਾਲਾਂ ਅਤੇ ਇੱਥੋਂ ਦੇ ਮੈਡੀਕਲ ਸਟਾਫ਼ ਵਲੋਂ ਜੀਅ-ਜਾਨ ਨਾਲ ਦਿੱਤੀਆਂ ਗਈਆਂ ਸੇਵਾਵਾਂ ਬੇਹੱਦ ਸ਼ਲਾਘਾਯੋਗ ਹਨ | ਇਹ ਪ੍ਰਗਟਾਵਾ ਵਿਧਾਇਕ ਰਾਣਾ ਗੁਰਜੀਤ ਸਿੰਘ ਨੇ ਅੱਜ ਸਿਵਲ ਹਸਪਤਾਲ ਦੇ ਮੈਡੀਕਲ ਵਾਰਡ ਦੀ ਕਾਇਆ ਕਲਪ ਕਰਨ ਤੋਂ ਬਾਅਦ ਇਸ ਨੂੰ ਲੋਕ ਅਰਪਿਤ ਕਰਦਿਆਂ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕੀਤਾ | ਉਨ੍ਹਾਂ ਕਿਹਾ ਕਿ ਇਸ ਔਖੀ ਘੜੀ ਵਿਚ ਸਰਕਾਰੀ ਹਸਪਤਾਲਾਂ ਦੇ ਮੈਡੀਕਲ ਤੇ ਪੈਰਾ ਮੈਡੀਕਲ ਸਟਾਫ਼ ਨੇ ਜਿਸ ਤਰ੍ਹਾਂ ਆਪਣੀਆਂ ਜਾਨਾਂ ਜੋਖ਼ਮ ਵਿਚ ਪਾ ਕੇ ਕੰਮ ਕੀਤਾ ਹੈ, ਉਸ ਦਾ ਕੋਈ ਮੁਕਾਬਲਾ ਨਹੀਂ | ਉਨ੍ਹਾਂ ਨੇ ਸਿਵਲ ਹਸਪਤਾਲ ਦੇ 40 ਬੈੱਡਾਂ ਵਾਲੇ ਮੈਡੀਕਲ ਵਾਰਡ ਨੂੰ ਚੁਣ ਕੇ ਇਸ ਨੂੰ ਸਾਰੀਆਂ ਬੁਨਿਆਦੀ ਸੁਵਿਧਾਵਾਂ ਨਾਲ ਲੈਸ ਕਰਨ ਦਾ ਬੀੜਾ ਚੁੱਕਿਆ | ਉਨ੍ਹਾਂ ਕਿਹਾ ਕਿ ਹੁਣ ਇਹ ਵਾਰਡ ਆਲੀਸ਼ਾਨ ਬਣ ਚੁੱਕਾ ਹੈ ਤੇ ਹੁਣ ਜਲਦ ਹੀ ਸਰਜੀਕਲ ਵਾਰਡ ਦੀ ਕਾਇਆ ਕਲਪ ਕੀਤੀ ਜਾਵੇਗੀ ਤੇ ਹਸਪਤਾਲ ਦੀਆਂ ਐਾਬੂਲੈਂਸਾਂ ਨੂੰ ਵੀ ਨਵਾਂ ਰੂਪ ਦਿੱਤਾ ਜਾਵੇਗਾ | ਇਸ ਮੌਕੇ ਐਸ.ਐਮ.ਓ. ਡਾ: ਤਾਰਾ ਸਿੰਘ, ਡਾ: ਸੰਦੀਪ ਧਵਨ, ਡਾ: ਰਵਜੀਤ ਸਿੰਘ, ਇੰਪਰੂਵਮੈਂਟ ਟਰੱਸਟ ਦੇ ਚੇਅਰਮੈਨ ਮਨੋਜ ਭਸੀਨ, ਮਾਰਕੀਟ ਕਮੇਟੀ ਦੇ ਉਪ ਚੇਅਰਮੈਨ ਰਜਿੰਦਰ ਕੌੜਾ, ਨਰਿੰਦਰ ਸਿੰਘ ਮਨਸੂ, ਵਿਸ਼ਾਲ ਸੋਨੀ, ਵਿਕਾਸ ਸ਼ਰਮਾ, ਕੁਲਦੀਪ ਸ਼ਰਮਾ, ਸੁਰਿੰਦਰ ਪਾਲ ਸਿੰਘ ਖ਼ਾਲਸਾ, ਮੁਨੀਸ਼ ਅਗਰਵਾਲ, ਕਰਨ ਮਹਾਜਨ, ਹਰਜੀਤ ਸਿੰਘ ਬੱਬਾ ਆਦਿ ਹਾਜ਼ਰ ਸੀ |

Ajit - Punjab Di Awaaz

10 hours ago

ਦੰਦਾਂ ਦੇ ਇਲਾਜ ਸਮੇਂ ਡਾਕਟਰ ਪੂਰੀ ਸਾਵਧਾਨੀ ਵਰਤਣ-ਡਾ : ਮੱਲ

ਕਪੂਰਥਲਾ, 5 ਜੂਨ (ਵਿ.ਪ੍ਰ.)-ਦੰਦਾਂ ਦੇ ਇਲਾਜ ਸਮੇਂ ਡਾਕਟਰ ਪੂਰੀ ਸਾਵਧਾਨੀ ਵਰਤਦਿਆਂ ਇਲਾਜ ਪ੍ਰਕਿਰਿਆ ਦੌਰਾਨ ਸਿਹਤ ਵਿਭਾਗ ਵਲੋਂ ਜਾਰੀ ਹਦਾਇਤਾਂ ਦੀ ਪਾਲਣਾ ਕਰਨ | ਇਹ ਗੱਲ ਡਾ: ਸੁਰਿੰਦਰਾ ਮੱਲ ਜ਼ਿਲ੍ਹਾ ਡੈਂਟਲ ਹੈਲਥ ਅਫ਼ਸਰ ਨੇ ਕੋਵਿਡ-19 ਦੌਰਾਨ ਡੈਂਟਲ ਡਾਕਟਰਾਂ ਦੀ ਮੀਟਿੰਗ ਨੂੰ ਸੰਬੋਧਨ ਕਰਦਿਆਂ ਕਹੀ | ਉਨ੍ਹਾਂ ਕਿਹਾ ਕਿ ਕਈ ਮਰੀਜ਼ ਜਿਨ੍ਹਾਂ `ਚ ਕੋਰੋਨਾ ਬਿਮਾਰੀ ਦੇ ਲੱਛਣ ਨਹੀਂ ਦਿਸਦੇ, ਉਹ ਇਸ ਵਾਇਰਸ ਨੂੰ ਇਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਤੱਕ ਪਹੁੰਚਾ ਸਕਦੇ ਹਨ | ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਐਮਰਜੈਂਸੀ ਦੀ ਹਾਲਤ `ਚ ਹੀ ਦੰਦਾਂ ਦੇ ਇਲਾਜ ਲਈ ਹਸਪਤਾਲ ਲਿਜਾਇਆ ਜਾਵੇ ਤੇ ਹਸਪਤਾਲ ਵਿਚ ਸਮਾਜਿਕ ਦੂਰੀ, ਮਾਸਕ ਪਾਉਣ ਆਦਿ ਨਿਯਮਾਂ ਦੀ ਪਾਲਣਾ ਕੀਤੀ ਜਾਵੇ | ਉਨ੍ਹਾਂ ਕਿਹਾ ਕਿ ਦੰਦਾਂ ਦਾ ਇਲਾਜ ਕਰਵਾਉਣ ਵਾਲੇ ਮਰੀਜ਼ ਨੂੰ ਘੜੀ ਤੇ ਜਿਊਲਰੀ ਪਾਉਣ ਤੋਂ ਇਲਾਵਾ ਬੈਗ ਆਦਿ ਲੈ ਕੇ ਆਉਣ ਦੀ ਮਨਾਹੀ ਕੀਤੀ ਗਈ ਹੈ | ਉਨ੍ਹਾਂ ਮਰੀਜ਼ਾਂ ਨੂੰ ਕਿਹਾ ਕਿ ਉਹ ਡਾਕਟਰੀ ਸਲਾਹ ਨੂੰ ਮੰਨਣ ਤੇ ਹਸਪਤਾਲ ਵਿਚ ਜ਼ਿਆਦਾ ਭੀੜ ਨਾ ਪਾਉਣ | ਇਸ ਮੌਕੇ ਡਾ: ਪ੍ਰੀਤਮ ਦਾਸ, ਡਾ: ਮੋਨਿੰਦਰ ਕੌਰ, ਡਾ: ਗੁਰਦੇਵ ਭੱਟੀ, ਡਾ: ਬਰਿੰਦਰ, ਡਾ: ਪਰਮਜੀਤ, ਡਾ: ਤਲਵਿੰਦਰ, ਡਾ: ਵਿਕਾਸਦੀਪ, ਡਾ: ਦੀਪਕ ਜੈਨ ਆਦਿ ਹਾਜ਼ਰ ਸਨ |

Ajit - Punjab Di Awaaz

10 hours ago

ਸੋਮ ਪ੍ਰਕਾਸ਼ ਨੇ ਇਟਲੀ `ਚ ਭਾਰਤੀਆਂ ਨੂੰ ਪੱਕੇ ਹੋਣ ਲਈ ਆ ਰਹੀ ਮੁਸ਼ਕਿਲ ਸਬੰਧੀ ਵਿਦੇਸ਼ ਮੰਤਰੀ ਨੂੰ ਲਿਖਿਆ ਪੱਤਰ

ਫਗਵਾੜਾ, 5 ਜੂਨ (ਅਸ਼ੋਕ ਕੁਮਾਰ ਵਾਲੀਆ)- ਭਾਰਤ ਦੇ ਬਹੁਤ ਸਾਰੇ ਨੌਜਵਾਨ ਜੋ ਰੋਜ਼ੀ ਰੋਟੀ ਕਮਾਉਣ ਲਈ ਵਿਦੇਸ਼ ਗਏ ਹਨ, ਉਨ੍ਹਾਂ ਵਿਚੋਂ ਬਹੁਤ ਸਾਰੇ ਨੌਜਵਾਨ ਇਸੇ ਚੱਕਰ ਵਿਚ ਗਲਤ ਟਰੈਵਲ ਏਜੰਟਾਂ ਦੇ ਹੱਥੀ ਚੜ੍ਹਕੇ ਵਿਦੇਸ਼ਾਂ ਖ਼ਾਸ ਕਰਕੇ ਯੂਰਪ ਵਿਚ ਕਾਫ਼ੀ ਸਾਲਾਂ ਤੋਂ ਨਾਜਾਇਜ਼ ਤੌਰ `ਤੇ ਰਹਿ ਹਨ | ਕੇਂਦਰੀ ਮੰਤਰੀ ਸੋਮ ਪ੍ਰਕਾਸ਼ ਨੇ ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਸ਼ੋ੍ਰਮਣੀ ਅਕਾਲੀ ਦਲ ਐਨ.ਆਰ.ਆਈ. ਯੂਥ ਵਿੰਗ ਇਟਲੀ ਵਲੋਂ ਵਿਸ਼ੇਸ਼ ਤੌਰ `ਤੇ ਉਨ੍ਹਾਂ ਨੂੰ ਚਿੱਠੀ ਲਿਖ ਕੇ ਮਦਦ ਮੰਗੀ ਗਈ ਸੀ ਕਿ ਇਟਲੀ ਯੂਰਪ ਦੀ ਸਰਕਾਰ ਵਲੋਂ ਨਾਜਾਇਜ਼ ਤੌਰ `ਤੇ ਰਹਿ ਰਹੇ ਭਾਰਤੀਆਂ ਨੂੰ ਪੱਕੇ ਕਰਨ ਦਾ ਫ਼ੈਸਲਾ ਕੀਤਾ ਹੈ, ਜਿਸ ਸਬੰਧੀ ਉਨ੍ਹਾਂ ਵਲੋਂ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਗਏ ਹਨ ਕਿ ਨਾਜਾਇਜ਼ ਤੌਰ `ਤੇ ਰਹਿ ਰਹੇ ਭਾਰਤੀਆਂ ਕੋਲ ਪਾਸਪੋਰਟ ਹੋਣਾ ਲਾਜ਼ਮੀ ਹੈ, ਜਿਹੜੇ ਭਾਰਤੀ ਇਟਲੀ ਵਿਚ ਰਹਿ ਰਹੇ ਹਨ, ਉਹ ਪਾਸਪੋਰਟ ਜਾਰੀ ਕਰਨ ਲਈ ਭਾਰਤੀ ਅਧਿਕਾਰਤ ਲੋਕਾਂ ਨੂੰ ਲੋੜੀਂਦੇ ਦਸਤਾਵੇਜ਼ ਮੁਹੱਈਆ ਕਰਨ ਦੀ ਸਥਿਤੀ ਵਿਚ ਨਹੀਂ ਹਨ | ਉਨ੍ਹਾਂ ਵਲੋਂ ਬੇਨਤੀ ਕੀਤੀ ਗਈ ਕਿ ਇਟਲੀ ਵਿਚ ਗੈਰ-ਕਾਨੰੂਨੀ ਢੰਗ ਨਾਲ ਰਹਿ ਰਹੇ ਭਾਰਤੀਆਂ ਨੂੰ ਪਾਸਪੋਰਟ ਪ੍ਰਾਪਤ ਕਰਨ ਲਈ ਥੋੜੇ੍ਹ ਨਰਮ ਤੇ ਆਸਾਨ ਜਿਹੇ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਜਾਣ ਤਾਂ ਜੋ ਕਾਫ਼ੀ ਲੰਮੇ ਅਰਸੇ ਤੋਂ ਨਾਜਾਇਜ਼ ਤੌਰ `ਤੇ ਰਹਿ ਰਹੇ ਭਾਰਤੀ ਕਾਨੰੂਨੀ ਤੌਰ ਤੇ ਪੱਕੇ ਹੋ ਜਾਣ | ਸੋਮ ਪ੍ਰਕਾਸ਼ ਨੇ ਦੱਸਿਆ ਕਿ ਇਸ ਮਾਮਲੇ ਵਿਚ ਉਨ੍ਹਾਂ ਵਲੋਂ ਕੇਂਦਰੀ ਵਿਦੇਸ਼ ਮੰਤਰੀ ਨੂੰ ਵੀ ਚਿੱਠੀ ਲਿਖ ਕੇ ਕਿਹਾ ਗਿਆ ਕਿ ਇਟਲੀ ਵਿਚ ਰਹਿ ਰਹੇ ਭਾਰਤੀਆਂ ਦੀ ਹਰ ਸੰਭਵ ਮਦਦ ਕੀਤੀ ਜਾਵੇ |

Ajit - Punjab Di Awaaz

10 hours ago

ਰਣਜੀਤ ਸਿੰਘ ਰਾਣਾ ਦਾ ਤਾਲਾਬੰਦੀ ਦੌਰਾਨ ਪਾਏ ਯੋਗਦਾਨ ਲਈ ਸਨਮਾਨ

ਭੁਲੱਥ, 5 ਜੂਨ (ਮਨਜੀਤ ਸਿੰਘ ਰਤਨ)- ਕਾਂਗਰਸ ਦਫ਼ਤਰ ਭੁਲੱਥ ਵਿਖੇ ਕੋਵਿਡ-19 ਦੇ ਕਾਰਨ ਜੋ ਲੰਬਾ ਸਮਾਂ ਦੇਸ਼ ਤੇ ਪੰਜਾਬ ਵਿਚ ਤਾਲਾਬੰਦੀ ਅਤੇ ਕਰਫ਼ਿਊ ਲਗਾਇਆ ਗਿਆ ਸੀ, ਉਸ ਦੇ ਮੱਦੇਨਜ਼ਰ ਰਣਜੀਤ ਸਿੰਘ ਰਾਣਾ ਇੰਚਾਰਜ ਹਲਕਾ ਭੁਲੱਥ ਵਲੋਂ ਹਲਕੇ ਦੀ ਜਨਤਾ ਅਤੇ ਪ੍ਰਵਾਸੀ ਮਜ਼ਦੂਰਾਂ ਦੀ ਜੋ ਦਿਨ ਰਾਤ ਤੇ ਅਣਥੱਕ ਸੇਵਾ ਕੀਤੀ ਗਈ ਅਤੇ ਲੋੜਵੰਦਾਂ ਨੂੰ ਰਾਸ਼ਨ ਪਹੁੰਚਾਇਆ ਗਿਆ | ਉਸ ਨੂੰ ਧਿਆਨ `ਚ ਰੱਖਦਿਆਂ ਆਲ ਇੰਡੀਆ ਕਾਂਗਰਸ ਵਰਕਰ ਕਮੇਟੀ ਦੇ ਪ੍ਰਧਾਨ ਬਲਰਾਮ ਸਿੰਘ ਰੰਧਾਵਾ ਅਤੇ ਐਾਟੀ ਨਾਰਕੋਟਿਕ ਸੈੱਲ ਦੇ ਚੇਅਰਮੈਨ ਵਿਲੀਅਮ ਸਭਰਵਾਲ ਦੀ ਟੀਮ ਵਲੋਂ ਰਣਜੀਤ ਸਿੰਘ ਰਾਣਾ ਦਾ ਸਨਮਾਨ ਕੀਤਾ ਗਿਆ | ਇਸ ਮੌਕੇ ਠੇਕੇਦਾਰ ਸੁਖਵਿੰਦਰ ਸਿੰਘ, ਜਥੇਦਾਰ ਜੀਤ ਸਿੰਘ ਰਾਮਗੜ੍ਹ, ਡਾ. ਸਰਬਜੀਤ ਪੰਧੇਰ, ਰਣਜੀਤ ਕੌਰ ਜਨਰਲ ਸਕੱਤਰ ਮਹਿਲਾ ਵਿੰਗ ਆਲ ਇੰਡੀਆ ਕਾਂਗਰਸ ਵਰਕਰ ਕਮੇਟੀ, ਕੁਲਦੀਪ ਕੌਰ ਢਿੱਲੋਂ ਪ੍ਰਧਾਨ ਢਿਲਵਾਂ ਐਾਟੀ ਨਾਰਕੋਟਿਕ ਸੈੱਲ, ਰਸ਼ਪਾਲ ਸ਼ਰਮਾ ਆਦਿ ਹਾਜ਼ਰ ਸਨ |

Ajit - Punjab Di Awaaz

10 hours ago

ਭਾਰਤੀ ਕਿਸਾਨ ਯੂਨੀਅਨ (ਕਾਦੀਆਂ) ਵਲੋਂ ਡੀ.ਐਸ.ਪੀ. ਭੁਲੱਥ ਨੂੰ ਮੰਗ ਪੱਤਰ

ਭੁਲੱਥ, 5 ਜੂਨ (ਮਨਜੀਤ ਸਿੰਘ ਰਤਨ)- ਕਸਬਾ ਭੁਲੱਥ ਵਿਖੇ ਭਾਰਤੀ ਕਿਸਾਨ ਯੂਨੀਅਨ (ਕਾਦੀਆਂ) ਦੀ ਇਕ ਮੀਟਿੰਗ ਜ਼ਿਲ੍ਹਾ ਪ੍ਰਧਾਨ ਜਸਬੀਰ ਸਿੰਘ ਲਿੱਟਾਂ ਅਤੇ ਬਲਾਕ ਪ੍ਰਧਾਨ ਸੁਰਿੰਦਰ ਸਿੰਘ ਸ਼ੇਰਗਿੱਲ ਦੀ ਪ੍ਰਧਾਨਗੀ ਹੇਠ ਕੀਤੀ ਗਈ | ਉਪਰੰਤ ਆਪਣੀਆਂ ਮੰਗਾਂ ਸਬੰਧੀ ਇਕ ਮੰਗ ਪੱਤਰ ਡੀ.ਐਸ.ਪੀ. ਭੁਲੱਥ ਜਤਿੰਦਰਜੀਤ ਸਿੰਘ ਨੂੰ ਦਿੱਤਾ ਗਿਆ, ਜਿਸ ਵਿਚ ਇਹ ਕਿਹਾ ਗਿਆ ਕਿ ਪੰਜਾਬ ਵਿਚ ਨਸ਼ੇ ਦੀ ਸਮੱਸਿਆ ਬਹੁਤ ਵੱਧ ਗਈ ਹੈ, ਹਰ ਪਿੰਡ, ਸ਼ਹਿਰ ਵਿਚ ਆਮ ਹੀ ਨਸ਼ੇ ਦੀ ਸਪਲਾਈ ਹੁੰਦੀ ਹੈ | ਪਹਿਲਾਂ ਤੋਂ ਲਗਦੇ ਨਾਕੇ ਜਿਵੇਂ ਮੱਲੀਆਂ ਮੌਵ, ਰਾਮਗੜ੍ਹ, ਲਿੱਟਾਂ, ਮਾਨਾ ਤਲਵੰਡੀ ਆਦਿ ਥਾਵਾਂ ਉਪਰ ਹੁਣ ਨਾਕੇ ਨਹੀਂ ਲਗਦੇ, ਜਿਸ ਕਾਰਨ ਨਸ਼ਾ ਤਸਕਰ ਬੇਖ਼ੌਫ ਘੁੰਮਦੇ ਹਨ | ਤਸਕਰਾਂ ਨੂੰ ਕਾਬੂ ਕਰਨ ਲਈ ਇਹ ਨਾਕੇ ਲਗਾਏ ਜਾਣ | ਪੰਜਾਬ ਵਿਚ ਝੋਨੇ ਦਾ ਸੀਜ਼ਨ ਸ਼ੁਰੂ ਹੋ ਰਿਹਾ ਹੈ | ਕੋਵਿਡ-19 ਕਾਰਨ ਮਜਦੂਰਾਂ ਦੀ ਘਾਟ ਹੈ ਅਤੇ ਕਿਸਾਨਾਂ ਨੇ ਟਰੈਕਟਰ ਟਰਾਲੀਆਂ ਰਾਹੀਂ ਲੇਬਰ ਇਕ ਪਿੰਡ ਤੋਂ ਦੂਜੇ ਪਿੰਡ ਲੈ ਕੇ ਜਾਣੀ ਹੁੰਦੀ ਹੈ | ਭਾਰਤੀ ਕਿਸਾਨ ਯੂਨੀਅਨ ਮੰਗ ਕਰਦੀ ਹੈ ਕਿ ਮਜਦੂਰ ਲੈ ਕੇ ਜਾਂਦੇ ਕਿਸਾਨਾਂ ਨੂੰ ਪੁਲਿਸ ਕਿਸੇ ਕਿਸਮ ਦੀ ਮੁਸ਼ਕਿਲ ਪੈਦਾ ਨਾ ਹੋਣ ਦੇਵੇ | ਕਿਸਾਨ ਦੀ ਫ਼ਸਲ ਅੱਗ ਨਾਲ ਸੜਨ ਅਤੇ ਟਰਾਂਸਫ਼ਾਰਮਰ ਚੋਰੀ ਹੋਣ ਦੀ ਸੂਰਤ ਵਿਚ ਪੁਲਿਸ ਰਿਕਾਰਡ ਵਿਚ ਐਫ.ਆਈ.ਆਰ. ਦਰਜ ਕਰਾਉਣੀ ਹੁੰਦੀ ਹੈ | ਅਜਿਹੇ ਸਮੇਂ ਮੌਕਾ ਅਫ਼ਸਰ ਹੀ ਕਿਸਾਨ ਦੀ ਰਿਪੋਰਟ ਦਰਜ ਕਰਕੇ ਉਸ ਦੀ ਕਾਪੀ ਦੇ ਦੇਵੇ | ਇਸ ਮੌਕੇ ਸਰਬਜੀਤ ਸਿੰਘ ਬਾਠ ਜਨਰਲ ਸਕੱਤਰ, ਦਲਬੀਰ ਸਿੰਘ ਨਾਨਕਪੁਰ ਜ਼ਿਲ੍ਹਾ ਸੀ. ਮੀਤ ਪ੍ਰਧਾਨ, ਜਸਵਿੰਦਰ ਸਿੰਘ ਮਾਨਾ ਤਲਵੰਡੀ ਬਲਾਕ ਪ੍ਰਧਾਨ ਨਡਾਲਾ, ਬਹਾਦਰ ਸਿੰਘ ਮੱਲੀਆਂ ਬਲਾਕ ਪ੍ਰਧਾਨ ਕਰਤਾਰਪੁਰ, ਚਰਨਜੀਤ ਸਿੰਘ ਕਾਲਾ ਖੇੜਾ ਮੀਤ ਪ੍ਰਧਾਨ, ਮੋਹਣ ਸਿੰਘ ਆਲਮਪੁਰ ਸਕੱਤਰ, ਪੂਰਨ ਸਿੰਘ ਖੱਸਣ, ਬਲਵਿੰਦਰ ਸਿੰਘ ਖੱਸਣ, ਰਾਮ ਸਿੰਘ ਖੱਸਣ, ਜਗਜੀਤ ਸਿੰਘ ਔਜਲਾ, ਜੋਗਾ ਸਿੰਘ ਇਬਰਾਹੀਮਵਾਲ, ਜੋਗਿੰਦਰ ਸਿੰਘ ਬਾਗੜੀਆਂ, ਹਜ਼ੂਰ ਸਿੰਘ ਬਾਗੜੀਆਂ, ਬਖ਼ਸ਼ੀਸ਼ ਸਿੰਘ ਆਦਿ ਸਨ |

Ajit - Punjab Di Awaaz

10 hours ago

ਆਰ. ਸੀ. ਐਫ. `ਚ ਵਿਸ਼ਵ ਵਾਤਾਵਰਨ ਦਿਵਸ ਸਬੰਧੀ ਸਮਾਗਮ

ਕਪੂਰਥਲਾ, 5 ਜੂਨ (ਅਮਰਜੀਤ ਕੋਮਲ)- ਰੇਲ ਕੋਚ ਫ਼ੈਕਟਰੀ ਕਪੂਰਥਲਾ ਵਿਚ ਵਿਸ਼ਵ ਵਾਤਾਵਰਨ ਦਿਵਸ ਸਬੰਧੀ ਕਰਵਾਏ ਗਏ ਸਮਾਗਮ ਦੌਰਾਨ ਆਰ.ਸੀ.ਐਫ. ਦੇ ਜਨਰਲ ਮੈਨੇਜਰ ਰਵਿੰਦਰ ਗੁਪਤਾ ਨੇ ਬੂਟਾ ਲਗਾ ਕੇ ਵਾਤਾਵਰਨ ਨੂੰ ਹਰਿਆ ਭਰਿਆ ਰੱਖਣ ਦੀ ਮੁਹਿਮ ਦੀ ਸ਼ੁਰੂਆਤ ਕੀਤੀ | ਇਸ ਮੌਕੇ ਚੀਫ਼ ਮਕੈਨੀਕਲ ਇੰਜੀਨੀਅਰ ਆਰ.ਕੇ. ਮੰਗਲਾ, ਪਿ੍ੰਸੀਪਲ ਚੀਫ਼ ਇੰਜੀਨੀਅਰ ਐਸ.ਸੀ. ਮੀਨਾ, ਚੀਫ਼ ਕੁਆਲਿਟੀ ਮੈਨੇਜਰ ਨਿਤਿਨ ਚੌਧਰੀ ਤੇ ਹੋਰ ਵਿਭਾਗਾਂ ਦੇ ਮੁਖੀਆਂ ਨੇ ਬੂਟੇ ਲਗਾਏ | ਆਰ.ਸੀ.ਐਫ. ਦੇ ਕੁਆਲਿਟੀ ਤੇ ਸਿਵਲ ਵਿਭਾਗ ਵਲੋਂ ਕਰਵਾਏ ਗਏ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਜਨਰਲ ਮੈਨੇਜਰ ਨੇ ਦੱਸਿਆ ਕਿ ਆਰ.ਸੀ.ਐਫ. ਵਲੋਂ ਵਾਤਾਵਰਨ ਦੀ ਸੰਭਾਲ ਲਈ ਕੀਤੇ ਯਤਨਾਂ ਸਦਕਾ ਆਰ. ਸੀ. ਐਫ. ਵੱਖ-ਵੱਖ ਪੁਰਸਕਾਰ ਪ੍ਰਾਪਤ ਕਰ ਚੁੱਕੀ ਹੈ | ਉਨ੍ਹਾਂ ਕਿਹਾ ਕਿ ਹਾਲ ਹੀ ਵਿਚ ਆਰ.ਸੀ.ਐਫ. ਨੇ 10 ਟਨ ਕਪੈਸਿਟੀ ਵਾਲੇ ਵੇਸਟ ਕੰਪੋਸਟਿੰਗ ਪਲਾਂਟ ਦੀ ਸਥਾਪਨਾ ਕੀਤੀ ਹੈ, ਜੋ ਹਰ ਹਰੇਕ ਦਿਨ 6 ਤੋਂ ਲੈ ਕੇ 7 ਮੀਟਰਿਕ ਟਨ ਕਿਚਨ ਵੇਸਟ ਅਤੇ ਹਰੇ ਕਚਰੇ ਨੂੰ ਹਰੀ ਖਾਦ ਵਿਚ ਤਬਦੀਲ ਕਰਦਾ ਹੈ | ਉਨ੍ਹਾਂ ਕਿਹਾ ਕਿ ਸੀਵਰੇਜ ਟਰੀਟਮੈਂਟ ਪਲਾਂਟ ਵਿਚੋਂ ਰੀਸਾਈਕਲ ਹੋ ਕੇ ਨਿਕਲਿਆ ਪਾਣੀ ਵੀ ਸਿੰਜਾਈ ਲਈ ਵਰਤਿਆ ਜਾ ਰਿਹਾ ਹੈ | ਇਸ ਮੌਕੇ 100 ਤੋਂ ਵੱਧ ਵੱਖ-ਵੱਖ ਪ੍ਰਕਾਰ ਦੇ ਬੂਟੇ ਲਗਾਏ ਗਏ |

Ajit - Punjab Di Awaaz

10 hours ago

ਨਸ਼ੇ ਵੇਚ ਕੇ ਮਹਿੰਗੀਆਂ ਗੱਡੀਆਂ ਤੇ ਆਲੀਸ਼ਾਨ ਕੋਠੀਆਂ ਬਣਾਉਣ ਵਾਲਿਆਂ ਦੀ ਹੁਣ ਖ਼ੈਰ ਨਹੀਂ- ਐਸ.ਐਸ.ਪੀ.

ਕਪੂਰਥਲਾ, 5 ਜੂਨ (ਅਮਰਜੀਤ ਸਿੰਘ ਸਡਾਨਾ, ਦੀਪਕ ਬਜਾਜ)- ਕਪੂਰਥਲਾ ਪੁਲਿਸ ਨੇ ਨਸ਼ਾ ਤਸਕਰਾਂ ਿਖ਼ਲਾਫ਼ ਵੱਡੀ ਕਾਰਵਾਈ ਕਰਦਿਆਂ ਨਸ਼ਿਆਂ ਦੇ ਮਾਮਲੇ ਨਾਲ ਸਬੰਧਿਤ 26 ਤਸਕਰਾਂ ਦੀ ਲਗਭਗ ਸਵਾ 14 ਕਰੋੜ ਰੁਪਏ ਦੀ ਚੱਲ-ਅਚੱਲ ਜਾਇਦਾਦ ਸਬੰਧਿਤ ਅਥਾਰਿਟੀ ਤੋਂ ਐਨ.ਡੀ.ਪੀ.ਐਸ. ਐਕਟ ਦੀ ਧਾਰਾ 68 ਐਫ ਤਹਿਤ ਫਰੀਜ਼ ਕਰਵਾ ਦਿੱਤੀ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਐਸ.ਐਸ.ਪੀ. ਸਤਿੰਦਰ ਸਿੰਘ ਤੇ ਐਸ.ਪੀ.ਡੀ. ਮਨਪ੍ਰੀਤ ਸਿੰਘ ਢਿੱਲੋਂ ਨੇ ਦੱਸਿਆ ਕਿ ਫਰੀਜ਼ ਕਰਵਾਈ ਗਈ ਜਾਇਦਾਦ ਵਿਚ ਆਲੀਸ਼ਾਨ ਕੋਠੀਆਂ, ਮਹਿੰਗੀਆਂ ਗੱਡੀਆਂ ਤੇ ਜ਼ਮੀਨ ਜਾਇਦਾਦ ਸ਼ਾਮਿਲ ਹੈ | ਉਨ੍ਹਾਂ ਦੱਸਿਆ ਕਿ ਇਨ੍ਹਾਂ ਨਸ਼ਾ ਤਸਕਰਾਂ ਦੀ ਜਾਇਦਾਦ ਕੰਪੀਟੈਂਟ ਅਥਾਰਿਟੀ ਨਵੀਂ ਦਿੱਲੀ ਤੋਂ ਕਾਰਵਾਈ ਕਰਵਾਉਂਦਿਆਂ ਫਰੀਜ਼ ਕਰਵਾਈ ਗਈ ਹੈ | ਜਿਸ ਦੀ ਕੁੱਲ ਕੀਮਤ 14 ਕਰੋੜ 24 ਲੱਖ 73 ਹਜ਼ਾਰ 585 ਰੁਪਏ ਬਣਦੀ ਹੈ | ਉਨ੍ਹਾਂ ਦੱਸਿਆ ਕਿ 8 ਹੋਰ ਨਸ਼ਾ ਤਸਕਰਾਂ ਦੇ ਕੇਸ ਤਿਆਰ ਕਰਕੇ ਨਵੀਂ ਦਿੱਲੀ ਭੇਜੇ ਗਏ ਹਨ, ਜਿਨ੍ਹਾਂ ਦੀ ਜਾਇਦਾਦ ਦੀ ਕੁੱਲ ਕੀਮਤ 2 ਕਰੋੜ 78 ਲੱਖ 45 ਹਜ਼ਾਰ ਰੁਪਏ ਤੋਂ ਵੱਧ ਹੈ ਤੇ ਇਨ੍ਹਾਂ ਦੀ ਪ੍ਰਾਪਰਟੀ ਫਰੀਜ਼ ਹੋਣ ਸਬੰਧੀ ਵੀ ਜਲਦੀ ਹੁਕਮ ਸਬੰਧਿਤ ਅਥਾਰਿਟੀ ਪਾਸੋਂ ਪ੍ਰਾਪਤ ਹੋ ਜਾਣਗੇ | ਐਸ.ਐਸ.ਪੀ. ਸਤਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਤੋਂ ਇਲਾਵਾ ਕਪੂਰਥਲਾ ਪੁਲਿਸ ਨੇ 30 ਨਸ਼ਾ ਤਸਕਰਾਂ ਦੇ ਿਖ਼ਲਾਫ਼ ਕਾਰਵਾਈ ਕਰਦੇ ਹੋਏ ਇਨ੍ਹਾਂ ਦੀ ਸਾਰੀ ਚੱਲ ਅਤੇ ਅਚੱਲ ਜਾਇਦਾਦ ਜਪਤ ਕਰਵਾਉਣ ਲਈ ਇਨਫੋਰਸਮੈਂਟ ਡਾਇਰੈਕਟੋਰੇਟ ਜਲੰਧਰ ਨੂੰ ਕੇਸ ਤਿਆਰ ਕਰਕੇ ਭੇਜੇ ਹਨ ਤੇ ਇਸ ਜਾਇਦਾਦ ਦੀ ਕੁੱਲ ਕੀਮਤ 7 ਕਰੋੜ ਰੁਪਏ ਤੋਂ ਵੱਧ ਹੈ | ਉਨ੍ਹਾਂ ਦੱਸਿਆ ਕਿ ਪੁਲਿਸ ਕਾਰਵਾਈ ਤਹਿਤ 30 ਹੋਰ ਨਸ਼ਾ ਤਸਕਰਾਂ ਦੇ ਕੇਸ ਤਿਆਰ ਕਰਕੇ ਜਲਦੀ ਹੀ ਇਨਫੋਰਸਮੈਂਟ ਡਾਇਰੈਕਟੋਰੇਟ ਨੂੰ ਭੇਜੇ ਜਾ ਰਹੇ ਹਨ | ਉਨ੍ਹਾਂ ਕਿਹਾ ਕਿ ਕਿਸੇ ਵੀ ਨਸ਼ਾ ਤਸਕਰ ਨੂੰ ਬਖ਼ਸ਼ਿਆ ਨਹੀਂ ਜਾਵੇਗਾ ਤੇ ਨਸ਼ਿਆਂ ਨੂੰ ਵੇਚ ਕੇ ਬਣਾਈਆਂ ਆਲੀਸ਼ਾਨ ਕੋਠੀਆਂ ਤੇ ਮਹਿੰਗੀਆਂ ਗੱਡੀਆਂ ਹੁਣ ਜਲਦੀ ਸਰਕਾਰ ਵਲੋਂ ਜਪਤ ਕੀਤੀਆਂ ਜਾਣਗੀਆਂ | ਐਸ.ਐਸ.ਪੀ. ਸਤਿੰਦਰ ਸਿੰਘ ਤੇ ਐਸ.ਪੀ. ਮਨਪ੍ਰੀਤ ਸਿੰਘ ਢਿੱਲੋਂ ਅਨੁਸਾਰ ਬੀਤੇ ਫਰਵਰੀ ਮਹੀਨੇ 5 ਨਸ਼ਾ ਤਸਕਰਾਂ ਦੀ ਜਾਇਦਾਦ ਫਰੀਜ਼ ਕਰਵਾਈ ਜਾ ਚੁੱਕੀ ਹੈ, ਜਿਸ ਦੀ ਕੁੱਲ ਕੀਮਤ 2 ਕਰੋੜ 85 ਲੱਖ ਰੁਪਏ ਤੋਂ ਵੱਧ ਦੀ ਬਣਦੀ ਹੈ ਤੇ ਭਵਿੱਖ ਵਿਚ ਵੀ ਅਜਿਹੀਆਂ ਕਾਰਵਾਈਆਂ ਪੁਲਿਸ ਵਿਭਾਗ ਵਲੋਂ ਜਾਰੀ ਰਹਿਣਗੀਆਂ!

Ajit - Punjab Di Awaaz

10 hours ago

    Disclaimer     Terms Privacy Advertising Sitemap # Listen - Download Punjabi Songs, Punjabi Videos Listen - Download Punjabi Songs, Punjabi Videos Listen - Download Punjabi Songs, Punjabi Videos Listen - Download Punjabi Songs, Punjabi Videos Listen - Download Punjabi Songs, Punjabi Videos